काइ हाभेर्ट्जको एक मात्र गोलमा आर्सनलले प्रिमियर लिगमा बर्नलीलाई १-० ले पराजित गर्दै उपाधि होड बलियो बनाएको छ ।

घरेलु मैदान एमिरेट्स स्टेडियममा भएको खेलमा आर्सनलका लागि हाभेर्ट्जले ३७औं मिनेटमा बुकायो साकाको पासमा गोल गरेका थिए ।

यो जितपछि लिगमा ३७ खेल खेलिसेकको आर्सनलले दोस्रो स्थानको म्यानचेस्टर सिटीमाथि ५ अंकको अग्रता बनाएको छ र २२ वर्षपछि प्रिमियर लिग जित्ने संघारमा छ ।

आर्सनल ८२ अंकसहित शीर्ष स्थानमा छ । आर्सनलले अब एक खेल खेल्न बाँकी छ । उक्त खेल जिते आर्सनल च्याम्पियन बन्नेछ । सिटी ३६ खेलबाट ७७ अंकसहित दोस्रो स्थानमा छ ।

यदी सिटीले मंगलबार बर्नमाउथलाई हराउन नसके वा पराजित भएमा आर्सनल एक खेलअघि नै च्याम्पियन बन्नेछ ।

यदि सिटी विजयी भएमा भने आर्सनलले अन्तिम खेलसम्म कुर्नुपर्नेछ । आर्सनलले आउने आइतबार क्रिस्टल प्यालेससँग खेल्नेछ ।